كلنا بنحب

بقلم…. د-عبير منطاش

كلنا بنعرف نحب بس مش كلنا بنعرف نحافظ علي الحب ده
وده لأسباب كتيرة لكن اهمها اختلاف شخصيه الرجل عن شخصيه المرأة
عجبني مشهد من فيلم يوضح شكل الاختلاف بين الرجل والمرأة
المشهد حوار بين البطل والبطله بتقوله(بابا حل المشكلة الازلية بين الراجل والست قالها ازاي قالتله ماما في يوم دخلت البيت جايه من شغلها متضايقة ومتعصبة حصلت عندها مشكله في الشغل وحكت الموضوع لبابا وبابا فضل يقولها علي حلول للمشكلة لكن ماما فضلت زعلانه وزادت عصبيتها واتخانقت مع بابا ،بابا قالي انا فهمت بعد كده هي زعلت مني ليه مع اني كنت بحل لها المشكلة ،قالها مامتك ساعتها كانت محتاجة اني احضنها واطبطب عليها واراضيها مش اجبلها حلول للمشكلة)
*هي دي طبيعة المرأة تبحث عن الاحتواء تبحث عن من يصغي لمشاكلها
تبحث عن الاهتمام والعاطفة
*اما الرجل فيعبر عن الحب بشكل عملي مثلما فعل الزوج في المشهد السابق
*لازم الرجل والمرأة كل منهم يعرف طبيعة الاخر علشان يعرفوا يحافظوا علي من يحبون٠
*عيدكم حب كل عام وانتم بخير وصحة وسلامة وحب
احبكم فى الله